არნოლდ შვარცენეგერმა გულზე ოპერაცია გადაიტანა
მსახიობმა და კალიფორნიის შტატის ყოფილმა გუბერნატორმა არნოლდ შვარცენეგერმა გულზე ოპერაცია გადაიტანა. ამის შესახებ Men's Health-ი წერს.
გამოცემის ინფორმაციით, ოპერაციის შესახებ შვარცენეგერმა თავის პოდკასტში Arnold's Pump Club ისაუბრა.
„გასულ ორშაბათს ოპერაცია გამიკეთეს, უფრო მეტად რომ დავსმგავსებოდი მანქანას: კარდიოსტიმულატორი ჩამიდგეს“, - განაცხადა მან.
76 წლის მსახიობისთვის ეს უკვე მეოთხე ოპერაციაა გულზე. კარდიოსტიმულატორის ჩადგმა მას ექიმებმა ურჩიეს, რადგან წინა ქირურგიული ჩარევების შემდეგ წარმოქმნილი ნაიარევი ქსოვილების გამო, შვარცენეგერის გულისცემა არარეგულარული გახდა.
