რუსეთის აგრესიას უკრაინაში 537 ბავშვი ემსხვერპლა
რუსმა დამპყრობლებმა უკრაინაში საერთო ჯამში 537 ბავშვი მოკლეს. აღნიშნულის შესახებ უკრაინის გენერალური პროკურატურა Telegram არხზე იტყობინება.
"რუსეთის ფედერაციის სრულმასშტაბიანი შეიარაღებული აგრესიის შედეგად უკრაინაში 1806-ზე მეტი ბავშვი დაშავდა. 2024 წლის 28 მარტის დილის მდგომარეობით, არასრულწლოვანთა პროკურორების ოფიციალური ინფორმაციით, დაიღუპა 537 ბავშვი. 1269 ბავშვს სხვადასხვა სიმძიმის დაზიანება აქვს“, - აცხადებენ უკრაინის გენერალურ პროკურატურაში.
ყველაზე მეტი ბავშვი დაშავდა დონეცკის ოლქში, ხარკოვში, ხერსონში, კიევში, დნეტროპეტროვსკში, მიკოლაევსა და ზაპოროჟიეში.