საქართველოს მოსახლეობის 23% ემიგრანტია - რამდენი ქართველია მსოფლიოში?

2022 წლის მონაცემებით, მსოფლიოს სხვადასხვა ქვეყანაში, საქართველოდან წასული 861,000 ემიგრანტი ცხოვრობს, რასაც თუ მოსახლეობას შევუფარდებთ (3.7 მლნ.) ქვეყნის 23%-ია. გამოდის, რომ ყოველი მეოთხე ქართველი ემიგრანტია. 

კვლევითი ორგანიზაცია PMCG-ის მონაცემებით, 2010 წლიდან 2020 წლამდე საქართველოდან ემიგრანტების საერთო რაოდენობა 7%-ით გაიზარდა. 

ემიგრანტების 52% (დაახ. 450,000 ადამიანი) რუსეთშია. 30% კი ევროპის სხვადასხვა ქვეყნებში: საბერძნეთი - 85,000, უკრაინა - 65,000, გერმანია - 25,000, იტალია - 16,000, პოლონეთი - 10,000 და ა.შ. ასევე 40,000-მდე ქართველი ცხოვრობს აშშ-ში.

ცნობისთვის, ემიგრაციის ტალღები საქართველოში სსრკ-ის დაშლის შემდეგ, 1990-იან წლებში დაიწყო, მძიმე სოციო-ეკონომიკური მდგომარეობის ფონზე.