ქართველი მოკრივე გოგონები საბერძნეთში საერთაშორისო ტურნირზე იასპარეზებენ

სამი ქართველი მოკრივე გოგონა საბერძნეთში საერთაშორისო ტურნირზე გაემგზავრა, სადაც მთავარი მწვრთნელის გაგა თოდუას ხელმძღვანელობით იასპარეზებენ. ამის შესახებ ინფორმაციას საქართველოს კრივის ეროვნული ფედერაცია ავრცელებს.

„სამი ქართველი მოკრივე გოგონა საბერძნეთში საერთაშორისო ტურნირზე გაემგზავრა, სადაც მთავარი მწვრთნელის გაგა თოდუას ხელმძღვანელობით იასპარეზებენ. საქართველოს სახელით ქალაქ სალონიკში სამ წონით კატეგორიაში, რაჰიბა ისმაილოვა (48 კგ), ლანა ბოლქვაძე (57 კგ) და თათია ბუკია (75 კგ) გამოვლენ. შეჯიბრება დღეს დაიწყება და კვირას, 31 მარტს დასრულდება“, - წერია გავრცელებულ ინფორმაციაში.