ზუგდიდის ერთ-ერთი სკოლის დირექტორს ბავშვების შეურაცხყოფაში ადანაშაულებენ
ბულინგი, წყევლა და ზეწოლა მოსწავლეებზე. წესრიგისა და დისციპლინის სახელით მოზარდებსა და მათ ოჯახებს უკვე წლებია შეურაცხყოფენ. ამ საქმეში მთავარი ბრალდებული კი სკოლის დირექტორია. მძიმე ამბავს ზუგდიდის ერთ-ერთი საჯარო სკოლის ყოფილი და მოქმედი აღსაზრდელები ყვებიან.
დირექტორი და მასწავლებლების ნაწილი რომ მოსწავლეებს გაუმართლებელი მეთოდით ეპყრობა - ამის შესახებ სკოლის ყოფილმა აღსაზრდელმა სოციალურ ქსელში დაწერა; მოქალაქე ყვება, რომ ისიც 12 წლის განმავლობაში ბულინგის მსხვერპლი და ახლა იგივე გზას მისი დებიც გადიან. სკოლის დირექტორი კი ამტკიცებს, რომ ეს მის წინააღმდეგ საგანგებოდ აგორებული, ბინძური კამპანიაა იმისათვის, რომ მან დირექტრობაზე უარი თქვას.
