„დაკარგეთ ელემენტარული ქართული ზრდილობა“ - სალომე ზურაბიშვილი „ქართულ ოცნებას“
პრეზიდენტი სალომე ზურაბიშვილი და "ქართული ოცნების" მიერ ქალთა კვოტირების გაუქმებას ეხმაურება და აცხადებს.
"მივმართავ საზოგადოებას, მაგრამ ამავე დროს, მინდა მივმართო "ოცნებას" და "ოცნების" წარმომადგენლებს. გილოცავთ, ბატონებო, რამეთუ ქალები თქვენთან აღარ ითვლება, ან თუ ითვლება, ისე მოიხსენიებთ, რომ ჯობია არ მოიხსენიოთ, დაკარგეთ ელემენტარული ქართული ზრდილობა, რაც ძალიან სამწუხაროა თქვენთვის", - ამბობს ზურაბიშვილი საგანგებო ბრიფინგზე.
ცნობისთვის, პარლამენტმა გენდერული კვოტირების გაუქმების შესახებ კანონპროექტი პირველი მოსმენით მიიღო.
