კახა კახიშვილი USAID-ის ადგილობრივი თვითმმართველობის პროგრამის შემაჯამებელ ღონისძიებაში მონაწილეობდა
პარლამენტის რეგიონული პოლიტიკისა და თვითმმართველობის კომიტეტის თავმჯდომარე კახა კახიშვილმა USAID-ის ადგილობრივი თვითმმართველობის პროგრამის ახალი პარტნიორების წარდგენისა და მუნიციპალიტეტებთან ერთად მიღწეული პროგრესის შემაჯამებელ ღონისძიებაში მიიღო მონაწილეობა.
პარლამენტის პრესსამსახურის ინფორმაციით, კახა კახიშვილმა სიტყვით მიმართა კონფერენციის მონაწილეებს და დეცენტრალიზაციის მნიშვნელობაზე ისაუბრა.
მისი თქმით, დეცენტრალიზაციის პროცესის ხელშეწყობა ინსტიტუციური შესაძლებლობების გაძლიერებითა და დაინტერესებულ მხარეთა შორის კოორდინაციის და თანამშრომლობის ხარისხის გაზრდით უნდა მოხდეს.
„ღონისძიების მიზანი იყო ახალი პარტნიორების წარდგენა და მათთან ურთიერთგაგების მემორანდუმების გაფორმება. კონფერენციის ფარგლებში, რამდენიმე მუნიციპალიტეტთან ოფიციალურად გაფორმდა თანამშრომლობის მემორანდუმი. ღონისძიებაზე ახალი პარტნიორი მუნიციპალიტეტების მერებსა და საკრებულოს თავმჯდომარეებს, საშუალება ჰქონდათ მიემართათ აუდიტორიისთვის და გაეზიარებინათ მოლოდინები პარტნიორობის მიმართულებით.
