დღევანდელი რეჟიმი თავისი ფორმატით გვაშორებს თავისუფლების იდეას - ილიკო სუხიშვილი

“სუხიშვილების” ხელმძღვანელი ილიკო სუხიშვილი, ხორვატიაში გამართული კონცერტის შემდეგ, “ქართული ოცნების” მიერ ხელახლა დარეგისტრირებულ, ე.წ. “გამჭვირვალობის” შესახებ კანონპროექტს გამოეხმაურა:

"საერთოდ არ მესმის, ნუთუ არ არის ისეთი კანონი, რომელიც პირიქით, დაგვაახლოვებს ამ პერსპექტივასთან - ჩემი აზრით, დასავლეთის თვალით ახლა ჩვენ გვიყურებენ, როგორც ქვეყანას, რომელიც ყველა ღონეს ხმარობს ხაზი გადაუსვას ამ პერსპექტივას.

არ მგონია ეს ლამაზად ჩანდეს. ყოველ ჯერზე, როცა ასეთი საფრთხის წინაშე ვდგებით, ჩვენ ფაქტობრივად გვიმეორდება 9 აპრილი და ვერ გამოვდივართ აქედან - საბჭოთა რეჟიმის მოყოლებით დღევანდელი რეჟიმი, რომელიც აი ამ თავის ფორმატით არანაკლებ საშინელია, გვაშორებს ამ თავისუფალ პერსპექტივას." - განაცხადა ილიკო სუხიშვილმა “ტვ პირველის” ეთერში.