"როინ ქოჩორაშვილი არის ნაცი" - კახა კალაძე ფეხბურთელის მამაზე
როინ ქოჩორაშვილი არის ნაცი - აცხადებს თბილისის მერი კახა კალაძე საფეხბურთო ნაკრების წევრის, გიორგი ქოჩორაშვილის მამაზე საუბრისას- "გახარიას პარტიის წარმომადგენელია. რატო გიკვირთ?..." - თქვა თბილისის მერმა როინ ქოჩორაშვილზე.
შეგახსენებთ, გიორგი ქოჩორაშვილმა გუშინ, რუსული კანონის წინააღმდეგ გამართული თავისუფლების მარშიდან ფოტო გამოაქვეყნა- ბავშვი ევროკავშირის დროშით ხელში.
პოზიციის დაფიქსირებიდან რამდენიმე წუთში გიორგი ქოჩორაშვილის Instagram ანგარიში გაქრა, თუმცა რუსული კანონის საწინააღმდეგო მარშიდან იგივე ფოტო ფეხბურთელის მამამ, როინ ქოჩორაშვილმა Facebook-ზე გაავრცელა.
