ახალციხეში სკოლის მოსწავლეს ავტომობილი დაეჯახა
ახალციხეში მოსწავლეს ავტომობილი დაეჯახა. ადგილობრივი მედიის ცნობით, შემთხვევა N5 საჯარო სკოლის მიმდებარედ მოხდა.
არსებული ცნობით, არასრულწლოვანს სერიოზული დაზიანებები არ აღენიშნება და სამედიცინო დაწესებულებაშია გადაყვანილი.
გამოძიება სისხლის სამართლის კოდექსის 276-ე მუხლის მეორე ნაწილით დაიწყო. დანაშაული ისჯება ჯარიმით, 6 თვიდან 2 წლამდე შინაპატიმრობით, ან 3 წლამდე ვადით თავისუფლების აღკვეთით.
წყარო: Newshub.ge
