ირანი ემზადება ბირთვული ომისთვის, რომელშიც დასავლეთი წააგებს - Telegraph
მსოფლიო მესამე მსოფლიო ომის ზღვარზეა, სადაც რუსეთი, ჩრდილოეთ კორეა, ჩინეთი და ირანი „ბოროტების ღერძის“ ნაწილია, - წერს Telegraph.
მედია წერს, რომ ირანი მალე შექმნის ატომურ იარაღს და გამოიყენებს ისრაელის წინააღმდეგ, რაც გამოიწვევს „ათასწლიანი კონფლიქტის“ პროვოცირებას.
სტატიის ავტორები მიიჩნევენ, რომ ირანის თავდასხმა ისრაელზე არ არის შურისძიების აქტი, არამედ ფაქტობრივად ომის გამოცხადებაა სხვა ქვეყნისთვის. დასავლეთმა არ უნდა დაარწმუნოს ისრაელი, რომ სამაგიერო არ გადაუხადოს ირანს, არამედ უნდა აჩვენოს ძალა.
Telegraph-ის თანახმად, ბაიდენმა უნდა შექმნას კოალიცია, დააწესოს მკაცრი სანქციები, დაუშვას ისრაელის მიერ „ჰამასის“ „დასრულება“ და ჰეზბოლას განადგურებაში დაეხმაროს. თუმცა აშშ-ის ხელმძღვანელობას განსხვავებული აზრი აქვს.
„ამერიკას არ აქვს თეირანის შეკავების ან „ჰამასის“ ან ჰეზბოლას განადგურების მნიშვნელოვანი გრძელვადიანი გეგმა“, - წერს Telegraph.
სტატიის ავტორები აღნიშნავენ, რომ დასავლეთს სურს თავიდან აიცილოს რაიმე პირდაპირი კონფლიქტი, მზადაა თითქმის ყველაფერზე თვალი დახუჭოს. თუმცა, როდესაც ვინმე მშვიდობას ნებისმიერ ფასად ეძებს, ის აუცილებლად მთავრდება ომით.
