ოკუპანტების საჰაერო იერიში დნეპროპეტროვსკზე - დაღუპულთა რიცხვი 8-მდე გაიზარდა

დნეპროპეტროვსკის ოლქზე რუსეთის საოკუპაციო ძალების საჰაერო იერიშის შედეგად დაღუპულთა რიცხვი რვამდე გაიზარდა. დაშავდა კიდევ 29 ადამიანი. აღნიშნულ ინფორმაციას უკრაინული მედია საგანგებო სიტუაციების სახელმწიფო სამსახურზე დაყრდნობით იტყობინება. 

„დნეპრში, სამოქალაქო ინფრასტრუქტურაზე მტრის სარაკეტო თავდასხმის შედეგად, ხუთსართულიანი შენობა ნაწილობრივ განადგურდა. ხანძარი ლოკალიზებულია. დაღუპულია 8 ადამიანი, ხოლო 29 დაშავებულია“, - იტყობინება უკრაინული მედია. 

დნეპროპეტროვსკზე რუსების თავდასხმას უკრაინის პრეზიდენტი ვოლოდიმირ ზელენსკი გამოეხმაურა.

„ამჟამად სამაშველო სამუშაოები გრძელდება დნეპრში, მას შემდეგ რაც განადგურდა საცხოვრებელი კორპუსი, დაზიანდა სადგური დნეპრის რეგიონშიც სამწუხაროდ, არიან დაღუპულები“, - აცხადებს ზელენსკი. 

პრეზიდენტმა ხაზგასმით აღნიშნა, რომ ყველა სახელმწიფო, რომელიც უზრუნველყოფს უკრაინას საჰაერო თავდაცვის სისტემებით, მხსნელია უკრაინელი ხალხის. 

„ჩვენ უნდა დავამარცხოთ რუსული ტერორი, ეს არის არა მხოლოდ ჩვენი სახელმწიფოს, სურვილი, არამედ ეს არის გლობალური საჭიროება“, - აცხადებს ზელენსკი.