ბუნდესტაგის საგარეო კომიტეტში საქართველოზე განხილვა გაიმართება
დღეს, 24 აპრილს, გერმანიის ბუნდესტაგის საგარეო ურთიერთობა კომიტეტში საქართველოში არსებულ ვითარებაზე განხილვა გაიმართება.
ამის შესახებ ინფორმაციას ბუნდესტაგის საგარეო ურთიერთობა კომიტეტის თავმჯდომარე მიხაელ როთი ავრცელებს.
რამდენიმე დღის წინ მიხაელ როთი რუსულ კანონზე სასაუბროდ შეხვდა გერმანიაში საქართველოს ელჩს, ლევან იზორიას. როგორც ცნობილია, გერმანია რუსული კანონის მიღებას კრიტიკულად აფასებს.
მიხაელ როთის განცხადებით, ეს კანონი შეუთავსებელია ევროკავშირის ღირებულებებთან და საფრთხეს უქმნის საქართველოს გზას ევროკავშირისკენ.
