სამოქალაქო ორგანიზაციებმა რესპუბლიკის მოედანთან აქცია კვირას, 19:00 საათზე დააანონსეს
სამოქალაქო ორგანიზაციებმა რესპუბლიკის მოედანთან აქცია დააანონსეს დღეს გამართულ ბრიფინგზე, სადაც მათ აღნიშნეს, რომ ე.წ. რუსული კანონის ჩაგდებამდე ხელისუფლებასთან თანამშრომლობას შეაჩერებენ.
„მოვუწოდებთ ყველას, 28 აპრილს, კვირას, 19:00 საათზე, შევიკრიბოთ რესპუბლიკის მოედანზე, რუსული კანონის წინააღმდეგ. ასევე მოვუწოდებთ შეკრებისკენ ყველას, თუკი ჩაინიშნება მეორე პლენარული განხილვა”, – აღნიშნეს არასამთავრობო ორგანიზაციებმა.
