„გამჭვირვალობის შესახებ კანონის“ მეორე მოსმენით განხილვა 29 აპრილს გაიმართება
ე.წ. რუსული კანონის მეორე მოსმენით განხილვა, იურიდიული კომიტეტის სხდომაზე ორშაბათს, 29 აპრილს, 09:00 საათზე განახლდება.
დღის წესრიგით, კომიტეტს განსახილველად 4 საკითხი აქვს, მათ შორის ერთ-ერთია ე.წ. რუსული კანონი, რომელიც მეორე მოსმენით უკვე მუხლობრივად უნდა განიხილონ.
ამასთან, 29 აპრილს, საღამოს პარლამენტთან „ქართული ოცნების“ მიერ დაგეგმილია კანონის მხარდამჭერი აქცია.
კანონი „ქართულმა ოცნებამ“ პირველი მოსმენით 17 აპრილს მიიღო.
