ერაყში ერთნაირსქესიან ურთიერთობებს 15 წლით პატიმრობით დასჯიან
ერაყის პარლამენტის გადაწყვეტილებით, ერთნაირსქესიანთა ურთიერთობა ქვეყანაში პატიმრობით დაისჯება. ახალი კანონის მიხედვით, სასჯელის ვადა 10-დან 15 წლამდე პატიმრობით განისაზღვრა.
ახალი კანონი ასევე ითვალისწინებს 7 წლით თავისუფლების აღკვეთას იმ პირებისთვის, ვინც „ავრცელებენ ჰომოსექსუალიზმს და პროსტიტუციას“. ამას გარდა, ახალი კანონით განსაზღვრულია 1-დან 3 წლამდე პატიმრობა იმ ადამიანებისთვის, ვინც შეიცვლის მის ბიოლოგიურ სქესს ან „ჩაიცვამს ფემინურად“. კანონი თავდაპირველი ვერსიით ერთნაირსქესიანი ურთიერთობებისთვის ადამიანების სიკვდილით დასჯასაც მოიაზრებდა, თუმცა ეს ნაწილი ამოღებულია.
