სიკვდილს გადავურჩით, მაგრამ ახლა ახალი გამოწვევის წინაშე ვდგავართ" - მწერალ გიორგი ლობჟანიძის მეუღლეს საზოგადოების მხარდაჭერა სჭრდება

მწერალ გიორგი ლობჟანიძის მეუღლეს ლიმფომის დიაგნოზი დაუსვეს და ძვირად ღირებული მკურნალობა სჭირდება. ამის შესახებ გიორგი ლობჟანიძემ თავად გამოაქვეყნა პოსტი და საზოგადოებას მხარდაჭერა თხოვა:

"მეგობრებო, ძალიან თავს ვიკავებდი ამ ფოტოების დადებისაგან, მაგრამ ახლა, როცა მთავარი საფრთხე თითქოს უკვე გადავლილია, მაინც გადავწყვიტე ამ სურათების გასაჯაროება. პირველი ფოტო პირველი ქიმიის დროსაა გადაღებული, მეორე ფოტო კი, როცა მეორე ქიმიამ უკვე პირდაპირი მნიშვნელობით ფეხზე დააყენა. თურქეთში ამ ძვირადღირებული მკურნალობის - ქიმიოთერაპიის ორი კურსის გავლა და მერე მერე ღეროვანი უჯრედების ურთულესი ოპერაციის გაკეთება., ძირითადად, თქვენი კეთილშობილებისა და ხალხის გულუხვი შემოწირულობის ხარჯზე მოგვიხერხდა. რეალურად, ირინა თქვენ გადამირჩინეთ და ამის გამო მთელი ცხოვრება მადლობელი ვიქნები და ვალში ვიქნები ყველა იმ ადამიანის წინაშე, ვინც თუნდაც ერთი ლარით მაინც შეგვეწია.

მოკლედ, სიკვდილს გადავურჩით, მაგრამ ახლა ახალი გამოწვევის წინაშე ვდგავართ. ტე ჯგუფის ლიმფომას ახასიათებს დაბრუნებადობის მაღალი მაჩვენებელი. ამიტომ ამ რემისიის შესანარჩუნებლად სრულიად აუცილებელია იმუნოთერაპიის წელიწადნახევრიანი კურსის გავლა, რაც ყოველ სამ კვირაში ერთხელ ითვალისწინებს პრეპარატ brentuximab- ის გადასხმას. თითოეული გადასხმის დოზა 4000 დოლარი ჯდება, რადგან წამალი თურქეთში იყიდება და საქართველო მის შეძენას არ აფინანსებს ( ისე, გვეუბნებიან, რომ იმუნოთერაპიის კურსი სრულად ფინანსდებაო და ამ პროგრამაში ირინაც ჩასვეს, რისთვისაც დიდად მადლობლები ვართ, მაგრამ წამალი ჩემი ხარჯით უნდა ვიყიდო და რითი და როგორ, ჯერჯერობით წარმოდგენა არ მაქვს ვგეგმავ ჩემი ბინის გაყიდვას, მაგრამ უცებ ალბათ არც ის გაიყიდება და ამასობაში მორიგი გადასხმაც უკვე ახლოვდება.

ამიტომ, მიუხედავად დიდი მორიდებისა და სირცხვილისა, მაინც მექნება თქვენი გულმოწყალების იმედი და ისევ დავდებ ჩემი ანგარიშის ნომრებს, და ვისაც რითი შეუძლია იმით შემეწევა".

GE79BG0000000161690240