პოლიციამ პარლამენტის მიმდებარე ტერიტორია სრულად დატოვა - შსს
შინაგან საქმეთა სამინისტროს სხვადასხვა დანაყოფის წარმომადგენლებმა, მას შემდეგ, რაც დეპუტატებისა და პარლამენტის აპარატის თანამშრომლების შენობიდან უსაფრთხო გამოსვლა უზრუნველყვეს, სრულად დატოვეს პარლამენტის მიმდებარე ტერიტორია, - ამის შესახებ განცხადებას შინაგან საქმეთა სამინისტრო ავრცელებს.
მათივე ცნობით, პროტესტის გამომხატველებს შესაძლებლობა აქვთ, აქცია მათთვის სასურველ ადგილზე გამართონ.
"შინაგან საქმეთა სამინისტრო მოუწოდებს პოლიტიკური პარტიების ლიდერებს, აქციის ორგანიზატორებსა და მონაწილეებს, არ დაარღვიონ კანონი, პროტესტი გამოხატონ მშვიდ ვითარებაში და არ განახორციელონ ძალადობრივი ქმედებები," - აღნიშნულია განცხადებაში.
