კავკასიის უნივერსიტეტს დავით ქაშიაშვილი ტოვებს

კავკასიის უნივერსიტეტს კიდევ ერთი ლექტორი დავით ქაშიაშვილი ტოვებს.

მისი თქმით, უნივერსიტეტთან თანამშრომლობას ადმინისტრაციის პოზიციისა და  გადაწყვეტილებების გამო წყვეტს.

"ბოლო 10 წელია, სხვადასხვა უნივერსიტეტში ვასწავლი, მათ შორის, 4 წელია კავკასიის უნივერსიტეტში. მედიის სკოლის ყველა სტუდენტი მაღალი მოქალაქეობრივი პასუხისმგებლობითა და  ეროვნული ღირებულებისადმი პატივისცემით სავსე ახალგაზრდაა, მათგან ბევრი რამ მისწავლია და ვსწავლობ ახლაც. სწორედ, მათი პატივისცემითა და სიყვარულით, მიმდინარე  სემესტრს დავხურავ. ადმინისტრაციის პოზიციისა და  გადაწყვეტილებების გამო კავკასიის უნივერსიტეტთან თანამშრომლობას ვწყვეტ", - წერს ქაშიაშვილი.

დღეს უნივერსიტეტის უკვე ყოფილმა ლექტორმა, სოსო ბერიკაშვილმა დაწერა, რომ ის კავკასიის უნივერსიტეტიდან გაუშვეს.

მისი თქმით, უნივერსიტეტის პრეზიდენტმა, კახა შენგელიამ დაიბარა და უთხრა, რომ სუს-მა მისი სამსახურიდან გათავისუფლება მოსთხოვა, მიზეზად კი "ბიძინას გინება" დაუსახელა.

ამ განცხადების შემდეგ, CU-ს დატოვების შესახებ დატოვა უნივერსიტეტის კიდევ ერთმა ლექტორმა, ნიკო ნერგაძემ, ასევე, ნინიკო რობაქიძემ.

CU ერთ-ერთია იმ 38 უნივერსიტეტს შორის, რომელთა რექტორები ზოგიერთი ლექტორის მიერ პროტესტის ნიშნად ლექციების ჩატარებაზე უარის თქმას "მიუღებლად" მიიჩნევენ.