ევროკავშირი ისრაელს მოუწოდებს, რაფაში ოპერაცია დაუყოვნებლივ დაასრულოს, წინააღმდეგ შემთხვევაში, ალიანსთან ურთიერთობა დაზიანდება - ბორელი
ევროკავშირი ისრაელს მოუწოდებს, რაფაში სამხედრო ოპერაცია დაუყოვნებლივ დაასრულოს და აფრთხილებს, რომ, თუკი ამას არ გააკეთებს, ალიანსთან კავშირს ძირს გამოუთხრის. ამის შესახებ ევროკავშირის საგარეო პოლიტიკის ხელმძღვანელმა ჯოზეფ ბორელმა განაცხადა.
„თუ ისრაელი გააგრძელებს სამხედრო ოპერაციას რაფაში, ეს აუცილებლად დაამძიმებს ევროკავშირის ურთიერთობას ისრაელთან“, - ნათქვამია განცხადებაში, რომელიც ევროკავშირის სახელით ჯოზეფ ბორელმა გაავრცელა.
