აქციებზე დაკავებული 93 პირი პოლიციის მხრიდან არასათანადო მოპყრობაზე მიუთითებდა - სახალხო დამცველი
15 აპრილიდან 17 მაისის პერიოდში სახალხო დამცველის რწმუნებულებმა აქციებზე დაკავებული 180 პირი მოინახულეს. როგორც სახალხო დამცველის ოფისი იტყობინება, 93 პირი მიუთითებდა პოლიციის მხრიდან არასათანადო მოპყრობაზე.
"71 პირმა ითხოვა რეაგირება, რის თაობაზეც მივმართეთ სპეციალურ საგამოძიებო სამსახურს. ცხელ ხაზზე შემოვიდა 382 შეტყობინება", - აცხადებს სახალხო დამცველის აპარატი.
