ოპოზიციის ველზე გამსხვილებას მივესალმებით, რადგან გვინდა, ამომრჩეველთან ის რეალობა მივიდეს, რაც არსებობს - იაგო ხვიჩია

საკმაოდ რთულია, როცა ერთიანობა პრინციპების გარეშე ხდება, მაგრამ ჩვენი პოლიტიკური რეალობა ცოტა განსხვავებულია, – ამის შესახებ „გირჩის“ წევრმა, იაგო ხვიჩიამ განაცხადა.

ხვიჩიას თქმით, გულშემატკივრობს, რომ არჩევნებზე ოპოზიციური ხმები არ დაიკარგოს.

„ვიცით, რომ ქართულ პოლიტიკურ ველზე სულ სამი პარტია არსებობს, „ქოცები“, რომლებიც ამბობენ, ბიძინამ იცის, „ნაცები“, რომლებიც ამბობენ, მიშამ იცის და ჩვენ, „გირჩი“, რომლებიც პრინციპებით ვმოქმედებთ. ოპოზიციის ველზე გამსხვილებას მივესალმებით, რადგან გვინდა, ამომრჩეველთან ის რეალობა მივიდეს, რაც არსებობს. პრეზიდენტს და მეგობრებს წარმატებას ვუსურვებ, რადგან ამაზე დიდ საქმეს ვერ გააკეთებენ. როგორც ვიცი, პრეზიდენტი აქტორებს ელაპარაკება, რომ ნაბიჯების გადადგმა ნუ მოერიდებათ. ვგულშემატკივრობთ, რომ ოპოზიციური ხმები არ დაიკარგოს“, – განაცხადა ხვიჩიამ.