გერმანია ამჟამად არ გეგმავს პალესტინის დამოუკიდებელ სახელმწიფოდ აღიარებას - ოლაფ შოლცი
გერმანიის კანცლერმა, ოლაფ შოლცმა განაცხადა, რომ გერმანია ამჟამად არ გეგმავს პალესტინის დამოუკიდებელ სახელმწიფოდ აღიარებას.
ოლაფ შოლცის თქმით, პალესტინის სახელმწიფოს აღიარებისთვის „ჯერ არ არსებობს საფუძველი“.
„არ არსებობს სიცხადე სახელმწიფოს ტერიტორიაზე, მასთან დაკავშირებულ ყველა სხვა საკითხთან დაკავშირებით“, - განაცხადა კანცლერმა.
მან ხაზგასმით აღნიშნა, რომ აღიარებაზე ლაპარაკის ნაცვლად, საჭიროა „მოლაპარაკების გზით გადაწყვეტა ისრაელსა და პალესტინელებს შორის, რომელიც მიგვიყვანს ორი სახელმწიფოს გადაწყვეტამდე“.
