"ამ წუთებში ხდება, ახლახან გადავიღე" - რა კადრები ვრცელდება კახეთიდან
"წნორიდან ლაგოდეხში თუ მიდიხართ, ძალიან დიდი წყალი არის და არ წახვიდეთ!" - წერენ სოციალურ ქსელში და ვიდეოს ავრცელებენ.
გადაუღებელმა წვიმებმა კახეთში პრობლემები შექმნა. უხვი ნალექის გამო რეგიონში რამდენიმე მდინარე ადიდდა და დამცავი კალაპოტები გაარღვია. შედეგად დაზიანდა ელექტროგადამცემი ხაზები და გაზსადენი მილები, დაიტბორა საკარმიდამო ნაკვეთები და სახლები.
განსაკუთრებით მძიმეა ვითარება სოფელ ლალისყურში, ართანასა და ფშაველში, სადაც დაიტბორა ნაკვეთები, თხილის ბაღები და სახლებია დატბორილი.
როგორც ადგილობრივი მოსახლეობა აცხადებს, სანიაღვრე არხები გასაწმენდია, რის გამოც წყალი გზებზე მიედინება.
