„მივესალმები რეფერენდუმის იდეას“ - მიხეილ სააკაშვილი
საქართველოს ყოფილი პრეზიდენტი, მიხეილ სააკაშვილი მოქმედი პრეზიდენტის მიერ გაჟღერებულ რეფერენდუმის იდეას სოციაურ ქსელში ეხმიანება:
გუშინ ჩვენ ხარებას პირით საჯაროდ გამოგვიცხადეს, რომ საქართველოში საბოლოოდ დამყარდა ტერორისტული რეჟიმი.
მივესალმები რეფერენდუმის იდეას, ამავე დროს ამ საქმეს მარტო რეფერენდუმით ვერ ვუშველით (თუმცა თავისთავად ხელმოწერების ფართო კამპანიას მოაქვს თავისი სარგებელი). საჭიროა მრავალმხრივი, ძლიერი პასუხი და ძალიან კარგი ორგანიზება, ველზე ბევრი ლიდერის გააქტიურება, ყველგან და ყველა მიმართულებით - წერს სააკაშვილი.
ცნობისთვის, სალომე ზურაბიშვილმა საზოგადოებას რეფერენდუმის ჩატარება მას შემდეგ შესთავაზა, რაც საპარლამენტო უმრავლესობამ “უცხოური გავლენის გამჭვირვალობის შესახებ“ კანონპროექტზე ვეტო დაძლია. როგორც ზურაბიშვილმა განაცხადა, რეფერენდუმი იქნება იმის თაობაზე, თუ რა უნდა საქართველოს მოსახლეობას - ევროპული მომავალი, თუ რუსული მონობა.
