რუსთავში ავტომობილი მამა-შვილს დაეჯახა
წუხელ, რუსთავში, მეგობრობის გამზირზე ავტოსაგზაო შემთხვევა მოხდა.
„ინფო რუსთავის“ ინფორმაციით, ქვეითთა გადასასვლელზე მსუბუქი ავტომობილი მამა-შვილს დაეჯახა.
დაშავებული კაცი და მცირეწლოვანი კლინიკაში გადაიყვანეს. როგორია მათი ჯანმრთელობის მდგომარეობა, ჯერჯერობით, უცნობია.
ადგილზე სასწრაფო დახმარებისა და საპატრულო პოლიციის რამდენიმე ეკიპაჟია მობილიზებული.
