ევროკავშირმა უკრაინას 1,9 მილიარდი ევროს ფინანსური დახმარება გამოუყო
უკრაინამ ევროკავშირისგან ფინანსური მხარდაჭერის ტრანში - 1.9 მილიარდი ევროს დახმარება მიიღო. აღნიშნულის შესახებ უკრაინის პრემიერ-მინისტრი დენის შმიგალი X-ზე იტყობინება.
შმიგალის თქმით, მიმდინარე წლის დასაწყისიდან ევროკავშირის მთლიანმა საბიუჯეტო მხარდაჭერამ უკვე თითქმის 8 მილიარდ ევრომდე მიაღწია.
„მინდა მადლობა გადავუხადო ევროკომისიის პრეზიდენტს, ურსულა ფონ დერ ლაიენს და მის მთელ გუნდს ასეთი ურყევი მხარდაჭერისთვის“, - აცხადებს დენის შმიგალი.
