"ძალიან ვამაყობ, რომ ქართველი ვარ...“ - გიორგი მიქაუტაძე (ვიდეო)

საქართველოს ნაკრები გერმანიაში წარმატებულ ასპარეზობას განაგრძობს. მატჩების ერთ-ერთი გამორჩეული ფეხბურთელი გიორგი მიქაუტაძეა, რომელიც საფრანგეთში გაიზარდა.

მიქაუტაძე, ევროპის ჩემპიონატის ისტორიაში, მე-9 ფეხბურთელია, რომელმაც ჯგუფური ეტაპის სამივე მატჩში გაიტანა.

გარეტ ბეილის ევრო 2016-ის შედეგის შემდეგ, გიორგი მიქაუტაძე პირველი ფეხბურთელია, რომელმაც ჯგუფურ ეტაპზე სამივე მატჩში მიიღო გოლში მონაწილეობა - 3 გოლი და 1 ასისტი. გიორგი მიქაუტაძეს მიმდინარე ევროზე 4 გოლში აქვს მონაწილეობა მიღებული - 3 გოლი და 1 ასისტი. ტურნირის არც ერთ სხვა ფეხბურთელს 2-ზე მეტი საგოლე კონტრიბუცია არ აქვს.

Geo Team-ის კითხვაზე, რას ნიშნავს, რომ არის ქართველი, მისი პასუხი ასეთია:

„ძალიან ვამაყობ... მიხარია, რომ საქართველოს ნაკრების მაისურით ვთამაშობ და ვახარებ ჩემს ქვეყანას” - ამბობს მიქაუტაძე.