ევროკავშირის ლიდერები შეთანხმდნენ თუ ვინ დაიკავებს წამყვან თანამდებობებს
27 ივნისს გამართულ ევროპული საბჭოს სამიტზე შეთანხმდნენ თუ ვინ დაიკავებს ევროკავშირის წამყვან თანამდებობებს.
ევროკავშირის წევრი სახელმწიფოების ლიდერების გადაწყვეტილებით თანამდებობები ასე განაწილდა:
ევროკომისიის პრეზიდენტი – ისევ გერმანელი ურსულა ფონ დერ ლაიენი იქნება
ევროპული საბჭოს პრეზიდენტი – პორტუგალიის ყოფილი პრემიერ-მინისტრი ანტონიო კოშტა იქნება, რომელიც ამ თანამდებობაზე შარლ მიშელს ჩაანაცვლებს
ევროკავშირის საგარეო საქმეთა და უსაფრთხოების პოლიტიკის საკითხებში უმაღლესი წარმომადგენელი – ესტონეთის პრემიერ-მინისტრი კაია კალასი იქნება, რომელიც ჯოზეფ ბორელს შეცვლის.
ახლა ევროკომისიის პრეზიდენტი ევროპარლამენტის მიერ უნდა აირჩეს მისი წევრების უმრავლესობით. უმაღლესი წარმომადგენლის ოფიციალური დანიშვნა კი მოითხოვს ევროკომისიის არჩეული პრეზიდენტის თანხმობას.
