"მუსიკოსები კაფე მზიურისთვის" - 1-ელ ივლისს აქცია-კონცერტი გაიმართება

კაფე მზიურის მხარდასაჭერად 1-ელ ივლისს 20:00 საათზე აქცია სახელად "მუსიკოსები კაფე მზიურისთვის" გაიმართება.

"როგორც იცით, ჩვენი კაფე საფრთხეშია და მის გადასარჩენად თითოეული თქვენგანის გვერდში დგომა გადამწყვეტია. სწორედ ამიტომ, "მზიურის კაფეს" ირგვლივ ერთიანდებიან ჩვენი მეგობრები, ადამიანები, ვინც ახლოს იცნობენ ჩვენს საქმიანობას, ვისთვისაც ჩვენი სოციალური მიზნები და მიღწევები მნიშვნელოვანია.

აქვე, შეგახსენებთ, რომ მიმდინარეობს "მზიურის კაფეს" მხარდასაჭერი პეტიციის ხელმოწერა, რომელიც ეხმიანება თბილისის მერიის ქონების მართვის სააგენტოს წერილს, რომელშიც მზიურის კაფეს შენობა განიხილება "თბილისის ადგილობრივ ბიუჯეტში თანხების მობილიზების საშუალებად" და აუქციონზე გამოტანით იგეგმება მისთვის ახალი მფლობელის შერჩევა. ეს გადაწყვეტილება ემუქრება მზიურის კაფეს არსებობას, ყველა იმ შედეგს, რაც ჩვენმა კაფემ მრავალი წლის განმავლობაში არაერთი სოციალური პროექტით და აქტივობით მიაღწია.

სწორედ ამიტომ, ორშაბათს, გთხოვთ შემოგვიერთდეთ და ერთად მივაწვდინოთ ქალაქ თბილისის მერს ხმა და ვთხოვთ, შეცვალოს გადაწყვეტილება და მისცეს სოციალურ "კაფე მზიურს" საქმიანობის გაგრძელების საშუალება!", - წერია ღონისძიების ანონსში. 

აქციაზე იმღერებენ: 

ნიკა კოჩაროვი

რეზო კიკნაძის კვინტეტი

რობი კუხიანიძე

MokuMoku

მწვანე ოთახი

ზაზა ხუციშვილი

LOUDSPEAKERS

ლექსო რატიანი

თამადა

ნინო ქათამაძე & ინსაითი

ნიკოლოზ რაჭველი

ალექსანდრე ხარანაული