სიტყვიერი შეთანხმება მიღწეულია - მონაკო მიქაუტაძის ტრანსფერს უახლოვდება
"მეცისა" და საქართველოს ნაკრების ფორვარდი გიორგი მიქაუტაძე, დიდი ალბათობით, კარიერას "მონაკოში" გააგრძელებს. ამის შესახებ ინფორმაციას ავტორიტეტული ჟურნალისტი ფაბრიციო რომანო ავრცელებს.
წყაროს ცნობით, "მონაკომ" "მეცს" მიქაუტაძის თაობაზე ოფიციალური წინადადებით მიმართა, რათა კლუბები ფეხბურთელის ფასზე შეთანხმდნენ.
რომანოს ინფორმაციით, "მონაკოს" მიქაუტაძის გაფორმება ევრო 2024-ის დასრულებამდე სურს.
შეგახსენებთ, ამ მომენტისთვის მიქაუტაძე 3 გატანილი გოლით ევრო 2024-ის ბომბარდირია.
ცნობისთვის, "მონაკომ" ლიგა 1-ის გასულ სეზონში 67 ქულით მეორე ადგილი დაიკავა და მომდევნო სეზონში ჩემპიონთა ლიგაზე იასპარეზებს.
🚨🇬🇪 EXCL: AS Monaco have reached verbal agreement on personal terms with Georgia striker Georges Mikautadze.
Monaco have also sent a proposal to Metz in order to agree on the fee, trying to anticipate other clubs… and get deal done before end of the Euros.
🔴⚪️⏳ pic.twitter.com/mh5WFG4Dlq — Fabrizio Romano (@FabrizioRomano) June 28, 2024
