თალიბანი ჩვენი მოკავშირეა ტერორიზმთან ბრძოლაში - ვლადიმერ პუტინი
რუსეთის პრეზიდენტი ვლადიმერ პუტინი აცხადებს, რომ თალიბანის მოძრაობა, რომელიც აკონტროლებს ძალაუფლებას ავღანეთში, არის რუსეთის მოკავშირე ტერორიზმთან ბრძოლაში.
"ზოგადად, უნდა დავიწყოთ ფაქტით, რომ ავღანეთში ძალაუფლებას თალიბანის მოძრაობა აკონტროლებს. ამ მხრივ, თალიბანი ჭეშმარიტად ჩვენი მოკავშირეა ტერორიზმთან ბრძოლაში“, - აღნიშნა პუტინმა.
პუტინმა აღნიშნა, რომ თალიბანი, ასევე, დაინტერესებულია ავღანეთის შიგნით სტაბილურობით.
"და ჩვენ არაერთხელ მივიღეთ ისეთი სიგნალები თალიბანისგან, რომ ისინი მზად არიან ჩვენთან ერთად იმუშაონ ანტიტერორისტული მიმართულებით“, - დასძინა პუტინმა.
