საპროკურორო საბჭომ ფარული კენჭისყრით მთავარი პროკურორობის სამი კანდიდატი შეარჩია
ვიქტორ ახალბედაშვილი, დარეჯან ბუცხრიკიძე და გიორგი გაბიტაშვილი - საპროკურორო საბჭომ ფარული კენჭისყრით მთავარი პროკურორობის სამი კანდიდატი შეარჩია. ხვალ სამიდან ერთი შეირჩევა და კანდიდატურა პარლამენტს გადაეგზავნება.
შერჩევა გასაუბრებების საფუძველზე შვიდ კანდიდატს შორის მოხდა. გადაწყვეტილება საბჭოს თორმეტი წევრიდან თერთმეტმა მიიღო, რადგან ფარულ კენჭისყრაში მონაწილეობა „გირჩის“ წევრმა იაგო ხვიჩიამ არ მიიღო.
