ბრიტანეთში 3 ქალის მკვლელობის ბრალდებით 26 წლის კაცი დააკავეს
ბრიტანეთში დააკავეს 26 წლის კაცი, რომელსაც ბრალად ედება სამი ქალის მკვლელობა. როგორც CNN წერს, ბრალდებული პოლიციამ დანაშაულიდან ორ დღეში აიყვანა.
„საგამოძიებო სამუშაოები ჩქარი ტემპით მიმდინარეობს და შედეგად, ჩვენ უკვე დავაკავეთ მამაკაცი. გამოძიება ამ დრომდე გრძელდება“, - აცხადებს დეტექტივი რობ ჰოლი.
მანამდე, BBC-იმ გაავრცელა ცნობა იმის შესახებ, რომ 61 წლის კეროლ ჰანტს და მისი ორ ქალიშვილს, 28 წლის ჰანა ჰანტსა და 25 წლის ლუიზა ჰანტს სახლში ყოფნისას თავს დაესხნენ. სამივე მათგანი სერიოზული ჭრილობებით საავადმყოფოში გადაიყვანეს, სადაც ვერც ერთი მათგანის გადარჩენა ვერ მოხერხდა.
მკვლელობის მოტივი ამ ეტაპზე უცნობია.
