გემების მიერ ზღვის დაბინძურებაზე ჯარიმა 100 000 ლარამდე გაიზრდება - კანონი 2024 წლის 1-ელი ოქტომბრიდან ამოქმედდება
გემების მიერ ზღვის დაბინძურებაზე ჯარიმა 100 000 ლარამდე გაიზრდება - გარემოსდაცვითი ზედამხედველობის დეპარტამენტის ცნობით, კანონი 2024 წლის 1-ელი ოქტომბრიდან ამოქმედდება.
"საქართველოს პარლამენტმა მიიღო გარემოს დაცვისა და სოფლის მეურნეობის სამინისტროს მიერ მომზადებული კანონპროექტი, რომლის თანახმად, შავი ზღვის დაბინძურების პრევენციის მიზნით, ადმინისტრაციულ სამართალდარღვევათა კოდექსში ცვლილება შევიდა.
ცვლილების თანახმად, 65 ათასი ლარიდან 100 000 ლარამდე გაიზარდა ჯარიმა გემიდან, სხვა მცურავი საშუალებებიდან, პლატფორმიდან, მილსადენებიდან ან ზღვაში ხელოვნურად აგებული სხვა კონსტრუქციიდან საქართველოს კანონმდებლობით დადგენილი წესის დარღვევით ზღვაში მავნე, დამაბინძურებელი ნივთიერებების, საწარმოო, ტექნიკური ან სხვა სახის ნარჩენების ან/და მასალის ჩაღვრა (ჩაყრა, ჩაშვება), აგრეთვე მათი ჩამარხვის წესის დარღვევით ზღვის დაბინძურებაზე.
კანონი 2024 წლის 1-ელი ოქტომბრიდან ამოქმედდება“, - ნათქვამია გავრცელებულ ინფორმაციაში.
