„ძალიან დიდ პოტენციურ ტრაგედიას გადაურჩა ამერიკა გუშინ, თუმცა ვინ იცის …“ – ზურაბ გურული ტრამპზე თავდასხმაზე

აშშ-ს მასაჩუსეტის უნივერსიტეტის პროფესორი, ზურაბ გურული აშშ-ს ყოფილ პრეზიდენტზე, დონალდ ტრამპზე თავდასხმას სოციალურ ქსელში ეხმაურება:

„როდესაც ქვეყანაში იქმნება სიყალბის და პარანოიის ატმოსფერო, შეშლილი მანიაკები გააქტიურებას იწყებენ. ეს არის აბსოლუტურად ბუნებრივი პროცესი და ამას ვერცერთი ქვეყანა და სოციუმი ვერ გადაურჩება, რადგან ადამიანთა ქვეცნობიერი უნივერსალურად ერთნაირია.და ყველა ქვეყანაში, უპირობოდ, ასეთ პროცესებზე სრული პასუხისმგებლობა ეკისრება მმართველ პოლიტიკურ კლანს და მის სამსახურში მყოფ მედია-საშუალებებს.ძალიან დიდ პოტენციურ ტრაგედიას გადაურჩა ამერიკა გუშინ, თუმცა ვინ იცის …“