ჩარლზ მესამემ დონალდ ტრამპს პირადი წერილი გაუგზავნა
ჩარლზ მესამემ შეერთებული შტატების ყოფილ პრეზიდენტს, დონალდ ტრამპს პირადი წერილი გაუგზავნა. ამის შესახებ ინფორმაციას ბუკინგემის სასახლე ადასტურებს. აღნიშნული წერილი ვაშინგტონში ბრიტანეთის საელჩოს მეშვეობით გაიგზავნა.
წერილი საჯაროდ არ გავრცელებულა, თუმცა როგორც „ბიბისი“ წერს, ის პრემიერ-მინისტრის, კირ სტარმერის გზავნილის მსგავსი შინაარსისაა.
ცნობისთვის, დიდი ბრიტანეთის პრემიერ-მინისტრი კირ სტარმერი დონალდ ტრამპს შემთხვევიდან რამდენიმე საათის შემდეგ ესაუბრა და აღნიშნა, რომ ის შეძრწუნებულია მომხდარით. ამასთან, დასძინა, რომ პოლიტიკური ძალადობის „ადგილი არ არის“.
