დემოკრატების ლიდერები თვლიან, რომ ბაიდენი მალე უარს იტყვის არჩევნებში მონაწილეობაზე
რამდენიმე უმაღლესი თანამდებობის დემოკრატს მიაჩნია, რომ აშშ-ის პრეზიდენტი ჯო ბაიდენი მალე მოხსნის კანდიდატურას.
Axios ამის შესახებ დემოკრატიული პარტიის უმაღლესი ოფიციალური პირების ანონიმურ კომენტარებზე დაყრდნობით წერს.
გამოცემის თანამოსაუბრეები თვლიან, რომ კონგრესში დემოკრატიული პარტიის ლიდერების მხრიდან ზეწოლა და ახლო მეგობრების არგუმენტები საბოლოოდ დაარწმუნებს ბაიდენს კენჭისყრაზე უარი თქვას და ეს შეიძლება უკვე ამ შაბათ-კვირას მოხდეს.
პარტიის ლიდერები, ბაიდენის მეგობრები და კამპანიის დონორები ფიქრობენ, რომ მას არ აქვს გამარჯვების შანსი.
პირად საუბრებში პრეზიდენტს, სავარაუდოდ, არწმუნებენ, რომ თუ ის კენჭს იყრის, შესაძლოა გამანადგურებელი მარცხი განიცადოს. ეს ზეწოლა განსაკუთრებით გაძლიერდა ბოლო დღეებში.
"ის არჩევანის წინაშე დგას - ან შევიდეს ისტორიაში, როგორც გამოჩენილი ადამიანი, ან დარწმუნებული უნდა იყოს, რომ ბაიდენის სახელობის საპრეზიდენტო ბიბლიოთეკა არასოდეს იარსებებს. მე ვლოცულობ, რომ ის სწორად მოიქცეს და ის ამ გადაწყვეტილებისკენ მიდის." - ციტირებს გამოცემა ბაიდენის ანონიმურ ახლო მეგობარს.
მანამდე Politico წერდა, რომ დემოკრატების ჩატარებულმა არასაჯარო სოციოლოგიურმა კვლევამ აჩვენა, რომ ბაიდენს გამანადგურებელი მარცხი ელის.
