საქართველოში ყოველ ორ ადამიანზე ერთი მანქანა მოდის - როგორია სტატისტიკა

საქართველოში ავტომობილების რაოდენობა ყოველთვიურად იზრდება. 2024 წლის მონაცემებით, ქვეყანაში სულ 1 701 776 მანქანაა რეგისტრირებული, რაც იმას ნიშნავს, რომ საქართველოში ყოველ მეორე ადამიანს ავტომობილი ჰყავს. (საქსტატის მონაცემებით, წელს მოსახლეობის რაოდენობა 3 694 600-ს შეადგენს).

აღსანიშნავია, რომ საქართველოში ავტოპარკი ყოველწლიურად იზრდება და თანაც მნიშვნელოვნად. თუ 2017 წელს (ავტომობილების სტატისტიკის პორტალზე მონაცემები სწორედ მაგ წლიდან იძებნება) ქვეყანაში სულ რეგისტრირებული იყო 1 228 123 ერთეული ავტომობილი, წელს ამ მაჩვენებელმა 1 701 776 შეადგინა. 2017 წელს მოსახლეობის რაოდენობა 3 726 400-ს შეადგენდა, შესაბამისად, გამოდის, რომ იმ წელს ყოველ სამ ადამიანზე ერთი მანქანა მოდიოდა.

რაც შეეხება ზოგადად ავტოპარკის მდგომარეობას, ბოლო წლების ასტატისტიკა ასე გამოიყურება:

2020 წელი - 1 404 471 ავტომობილი2021 წელი - 1 490 263 ავტომობილი2022 წელი - 1 563 165 ავტომობილი2023 წელი - 1 680 436 ავტომობილი2024 წელი (მიმდონარე) 1 701 776 ავტომობილი