Unian: უკრაინაში საომარი მდგომარეობა 9 ნოემბრამდე გახანგრძლივდა
უკრაინის უმაღლესმა რადამ პრეზიდენტ ვოლოდიმირ ზელენსკის მიერ ინიციირებულ კანონპროექტს საომარი მდგომარეობის 9 ნოემბრამდე გახანგრძლივების შესახებ მხარი დაუჭირა. ინფორმაციას ამის შესახებ უკრაინული საინფორმაციო სააგენტო unian.net ავრცელებს.
კანონპროექტს 339 დეპუტატმა დაუჭირა მხარი. საომარი მდგომარეობის გარდა უკრაინელმა დეპუტატმა 9 ნოემბრამდე საყოველთაო მობილიზაციაც გაახანგრძლივეს. ამ კანონპროექტს 338 დეპუტატმა დაუჭირა მხარი.
უკრაინაში საომარი მდგომარეობა და საყოველთაო მობილიზაცია 2022 წლის 24 თებერვლიდან მოქმედებს. პარლამენტი ამ რეჟიმებს პერიოდულად ახანგრძლივებს.
