"არ არსებობს მიზეზი, რის გამოც ჩვენ ამას ვერ გავაკეთებთ“ - ერდოღანი პალესტინელების მხარდაჭერის მიზნით ისრაელში შეჭრით დაიმუქრა
თურქეთი შესაძლოა, პალესტინელების დახმარების მიზნით, ისრაელში შევიდეს - ამის შესახებ თურქეთის პრეზიდენტმა განაცხადა, თუმცა რეჯეფ თაიფ ერდოღანს არ დაუკონკრეტებია, რა სახის ინტერვენციაზე საუბრობდა.
"ჩვენ ძლიერები უნდა ვიყოთ, რომ ისრაელმა ვერ შეძლოს პალესტინისთვის მსგავსი რამის გაკეთება. როგორც ყარაბაღში, ლიბიაში, ჩვენ, შეიძლება, გავაკეთოთ იგივე მათთან. არ არსებობს მიზეზი, რის გამოც ამას ვერ გავაკეთებთ. ჩვენ ძლიერები უნდა ვიყოთ, რომ შევძლოთ ამ ნაბიჯების გადადგმა“, - განაცხადა ერდოღანმა.
