დედა დათვი ბელთან ერთად მანქანაში ჩაიკეტა და მუსიკა ჩართო - სად მოხდა შემთხვევა?
ამერიკის შეერთებულ შტატებში დედა დათვი ბელთან ერთად მანქანაში ჩაიკეტა - ამის შესახებ NBC Connecticut წერს.
2024 წლის ივლისში, კონექტიკუტის შტატში მცხოვრებმა ქალმა სამაშველო სამსახური გამოიძახა, რადგან მის მანქანაში დედა დათვი ბელთან ერთად შეძვრა და როგორღაც, შიგნიდან ჩაიკეტა.
გამოსავალის ძებნაში დათვებმა შემთხვევით, მანქანაში მუსიკა ჩართეს და რადენჯერმე დაასინგალეს. მანქანის გარეთ დარჩენილი მეორე ბელი მოვლენებს შეშინებული აკვირდებოდა, თუმცა გაქცევა და დედის მიტოვება არ უცდია. გამოძახების შემდეგ შემთხვევის ადგილზე გარემოს დაცვის პოლიცია მივიდა. მანქანის კარის გაღების შემდეგ დედა დათვი და მისი ორივე ბელი ტყეში გაიქცა. სატრანსპორტო საშუალების მფლობელს მანქანის სალონი თითქმის მთლიანად განადგურებული დახვდა, თუმცა ამბობს, რომ ხარჯებს მთლიანად დაზღვევა აანაზღაურებს.
