წიქარიშვილი იუსტიციის უმაღლეს საბჭოზე: მათთვის ჩემი იქ შესვლა უკვე დისკომფორტია
თითქმის 4 წელია, რაც იუსტიციის საბჭოში აღარ არის განსხვავებული აზრი - ყველა არის ერთ აზრზე.
ისინი შეეჩვივნენ უკვე ამ კომფორტულ ვითარებას და მათთვის ჩემი შესვლა უკვე არის პრობლემა, ვინაიდან მათ შეექმნებათ დისკომფორტი ჩემი იქ ყოფნის გამო.
[…] მე იქ გამოვითხოვ ინფორმაციას, მე იქ დავაყენებ საკითხებს, მე იქ გავაჟღერებ მათთვის აბსოლუტურად მიუღებელ წინადადებებს და ამიტომ, მათთვის ეს იქნება დისკომფორტი - ეს არის ძირითადი მიზეზი.
თქვა კახა წიქარიშვილმა ჟურნალისტებთან საუბრისას.
22 ივლისს, თბილისის საქალაქო სასამართლომ იუსტიციის უმაღლესი საბჭოს არამოსამართლე წევრად კახა წიქარიშვილის დანიშვნის შესახებ პრეზიდენტის განკარგულება შეაჩერა.
