"მინდა, მივულოცო ვლადიმერ პუტინს კიდევ ერთი შესანიშნავი გარიგების გაფორმება“ - ტრამპმა პუტინს დასავლეთთან პატიმრების გაცვლა მიულოცა

აშშ-ის ექსპრეზიდენტმა და „რესპუბლიკური პარტიის“ საპრეზიდენტო კანდიდატმა დონალდ ტრამპმა კრემლის მმართველ ვლადიმერ პუტინს დასავლეთის ქვეყნებსა და რუსეთს შორის შემდგარი პატიმრების გაცვლა მიულოცა. ტრამპის განცხადებას The Washington Post-ი ავრცელებს.

ტრამპმა აღნიშნა, რომ რუსეთის ძლიერმა ლიდერმა ცივი ომის დასრულების შემდეგ დადებული ასეთი დიდი გარიგებით აშშ-ის ოფიციალურ პირებს აჯობა.

„მინდა მივულოცო ვლადიმერ პუტინს კიდევ ერთი შესანიშნავი გარიგების გაფორმება. ღმერთო, ჩვენ საშინელ, საშინელ გარიგებებს ვაკეთებთ. სასიამოვნოა იმის თქმა, რომ ჩვენ დავიბრუნეთ ისინი, მაგრამ ეს არ არის ცუდი პრეცედენტი?“, - განაცხადა ტრამპმა.

ინფორმაციისთვის, 1-ელ აგვისტოს ანკარაში თურქეთის დაზვერვის შუამდგომლობით დასავლეთის 6 ქვეყანასა და რუსეთს შორის 26 პატიმრის გაცვლა შედგა.