რუსეთის თავდაცვის სამინისტრო კურსკის ოლქში ბრძოლების შესახებ იუწყება
რუსეთის თავდაცვის სამინისტროში განაცხადეს, რომ უკრაინული ძალები, 300-მდე ჯარისკაცის, 11 ტანკისა და 20-ზე მეტი ჯავშანმანქანის მხარდაჭერით, თავს დაესხნენ რუსეთის სახელმწიფო საზღვრის ქვედანაყოფების პოზიციებს ნიკოლაევო-დარიინოსა და ოლეშნიას დასახლებულ პუნქტებში კურსკის ოლქში.
„სახელმწიფო საზღვრის ჯარები „ეფესბეს“ სასაზღვრო ჯარების ნაწილებთან ერთად იგერიებენ თავდასხმებს სახელმწიფო საზღვრის ზონაში“, - აღნიშნულია უწყების განცხადებაში.
გარდა ამისა, მიმდინარე ბრძოლების ზონაში რუსეთის თავდაცვის უწყებამ სარეზერვო ძალები გადაისროლა.
