11 წლის ჟენგ ჰაოჰაო პარიზის ოლიმპიადის ყველაზე ახალგაზრდა სპორტსმენია
პარიზის ოლიმპიადაზე მორიგი რეკორდი 6 აგვისტოს დაფიქსირდა. სკეიტბორდინგის შეჯიბრებაში მონაწილეობა მიიღო 11 წლის ჟენგ ჰაოჰაომ, რომელიც პარიზის ოლიმპიადის ყველაზე ახალგაზრდა მონაწილეა.
იგი, ამავდროულად, ყველაზე ახალგაზრდა ჩინელი სპორტსმენია ოლიმპიადების ისტორიაში.
მან მსაჯებისგან 63,19 ქულა დაიმსახურა, 22 სპორტსმენს შორის მეთვრამეტე იყო და კვალიფიკაცია ვერ დაძლია.
გოგონათა შორის პარკის დისციპლინაში ჩემპიონი იაპონელი კოკონა ჰირაკი გახდა. შეგახსენებთ, რომ მან 12 წლის ასაკში, წინა ოლიმპიადაზე ვერცხლის მედალი მოიგო. ამჟამად კი, 15 წლის ასაკში ყველაზე ახალგაზრდა იაპონელი ოლიმპიური ჩემპიონი გახდა.
