დონალდ ტრამპი აცხადებს, რომ არჩევნებში გამარჯვების შემდეგ, ფიცის დადებამდე უკრაინაში ომს დაასრულებს
აშშ-ის პრეზიდენტობის კანდიდატი დონალდ ტრამპი აცხადებს, რომ არჩევნებში გამარჯვების შემდეგ, ფიცის დადებამდე უკრაინაში ომს დაასრულებს.
"ბრეით-ბართთან" ინტერვიუში აშშ-ის ყოფილმა პრეზიდენტმა თქვა, რომ ის რუსეთსა და უკრაინას შორის სამშვიდობო მოლაპარაკებას აპირებს. "ისინი ანადგურებენ მსოფლიოს გარკვეული ნაწილის სტრუქტურას. მე მსურს, რომ ეს იყოს მოლაპარაკების შედეგი და რომ ეს გაკეთდეს," – განაცხადა დონალდ ტრამპმა.
აშშ-ის პრეზიდენტობის კანდიდატმა თქვა, რომ მისი დემოკრატი ოპონენტი, ვიცე-პრეზიდენტი კამალა ჰარისი გააგრძელებს ომს და გააგრძელებს ასობით მილიარდი ამერიკული დოლარის გაგზავნას უკრაინაში. ტრამპის განცხადებით, ჰარისის უუნარობამ შეიძლება მსოფლიო გლობალურ ომში ჩაითრიოს.
