„საქართველოში დაბრუნების დროა გადამწყვეტი ბრძოლისთვის! უახლოეს დღეებში შევხვდებით შინ – სამშობლოში…“ - ლევან ხაბეიშვილი
„ნაციონალური მოძრაობის“ ყოფილი თავმჯდომარე და ამჟამად ენმ-ის პოლიტსაბჭოს ხელმძღვანელი, ლევან ხაბეიშვილი, რომელმაც ჯანმრთელობის მდგომარეობის გამო, დროებით საქართველო დატოვა და აშშ-ში გაემგზავრა, სოციალურ ქსელში შტატებიდან ძმასთან ერთად გადაღებულ ფოტოს აქვეყნებს და წერს, რომ უახლოეს პერიოდში საქართველოში ბრუნდება.
„საქართველოში დაბრუნების დროა გადამწყვეტი ბრძოლისთვის! უახლოეს დღეებში შევხვდებით შინ – სამშობლოში.
ჩემს ძმას და ყველა ემიგრანტს მოვუწოდებ აქტიურობისკენ. დარეგისტრირდით და ვისაც შეგიძლიათ მიდით არჩევნებზე! უცხოეთში მცხოვრებნო, ეცადეთ თითოეულმა თქვენგანმა, საქართველოში მინიმუმ ერთი ადამიანი დაარწმუნოთ, რომ არჩევნებზე წავიდეს, ხმა მისცეს საქართველოს მომავალს“, – წერს ლევან ხაბეიშვილი.
