ბელგოროდის ოლქში ფედერალური დონის საგანგებო მდგომარეობა გამოცხადდა
ბელგოროდის ოლქში, საგანგებო მდგომარეობა ფედერალურ დონეზე გამოცხადდა — ინფორმაციას რუსული მედია ავრცელებს.
"გთავაზობთ, რომ ბელგოროდის ოლქის ტერიტორიაზე შექმნილი საგანგებო მდგომარეობა მივიჩნიოთ ფედერალური დონის საგანგებო მდგომარეობად და მასზე რეაგირების ფედერალური დონე შემოვიღოთ", — თქვა რუსეთის საგანგებო სიტუაციების მინისტრმა ალექსანდრე კურენკოვმა.
ცნობისთვის, ბელგოროდის ოლქის გუბერნატორმა ვიაჩესლავ გლადკოვმა 14 აგვისტოს რეგიონული დონის საგანგებო მდგომარეობა გამოაცხადა. მანამდე საგანგებო მდგომარეობა შემოიღეს რუსეთის კურსკისა და ლიპეცკის ოლქებში.
