ენტონი ბლინკენი ისრაელში ჩავიდა
აშშ-ის სახელმწიფო მდივანი ენტონი ბლინკენი ისრაელში ჩავიდა, რათა ღაზის სექტორში ცეცხლის შეწყვეტის შესახებ შეთანხმებას მიაღწიოს, - იუწყება სააგენტო Reuters-ი.
ბლინკენი ისრაელში იმ დროს ჩადის, როცა „ჰამასმა“ შუამავლების მიერ მომზადებული სამშვიდობო შეთანხმების მორიგი ტექსტი უარყო და ამ ყველაფერზე პასუხისმგებლობა ისრაელის პრემიერ-მინისტრს ბენიამინ ნეთანიაჰუს დააკისრა.
ბლინკენი ომის დაწყებიდან მეცხრე ვიზიტის დროს ისრაელში ნეთანიაჰუს და სხვა ოფიციალურ პირებს შეხვდება. ისრაელის შემდეგ ის ეგვიპტეში ჩავა.
როგორც Reuters-ს აშშ-ის პრეზიდენტის ჯო ბაიდენის ადმინისტრაციის ერთ-ერთმა მაღალჩინოსანმა განუცხადა, ცეცხლის შეწყვეტის შესახებ მოლაპარაკებებში ახლა გარდამტეხი მომენტი დგება.
